Astana ákimi LRT-de jol júrý baǵasy qansha bolatynyn aıtty

ASTANA.KAZINFORM - Astana ákimi Jeńis Qasymbek Saraıshyq aýdany turǵyndarymen kezdesýde LRT-de jol júrý bıletiniń baǵasy qansha bolatynyn aıtty. 

— LRT bıletiniń baǵasy boıynsha aıtsaq, jobalyq baǵa belgilengen. 100 teńgeden 200 teńgege deıin dep jobalap otyrmyz. Ázirge osyndaı meje qala beredi, — dedi ákim.

Eske salsaq, bıyl kúzde LRT-ni testilik rejımde iske qosý josparlanǵan. 

Sondaı-aq Astana ákimi elordadaǵy aqyly turaqtar jańa ınvestorǵa berilýi múmkin degen málimetterdi teriske shyǵarǵan edi. 

Ákim aqyly turaqtardy jańa ınvestorǵa berý máselesi kún tártibinde joq ekenin málim etti.

— Men osydan 2-3 aı buryn aldyn ala habarlaǵan edim. «Astana turaq keńistigi» mekemesin kommýnaldyq menshikke ótkizetinimizdi aıtqanmyn. Bul máselemen Kólik basqarmasy tikeleı aınalysady. Qazirgi tańda ınvestormen kelisimshartty toqtatý baǵytynda jumys júrip jatyr. Mekeme kommýnaldyq menshikke beriledi, — dedi Jeńis Qasymbek.