Astana ákiminiń jańa orynbasary turǵyndarǵa jeke telefon nómerin berdi
ASTANA. QazAqparat - Astana qalasy ákiminiń orynbasary Arman Turlybek árbir turǵynnyń ótinishin tyńdaıtyny týraly aıtty, dep habarlaıdy QazAqparat.
«Qurmetti turǵyndar, dostar! Meniń telefonymnyń nómiri burynǵydaı qaldy jáne sizderden keri baılanys kútemin. Qala ákimi Bakhyt Sultanov elordanyń árbir turǵynynyń ótinishin tyńdaý týraly naqty mindet qoıdy. Sondyqtan energetıka, jylýmen qamtý, sýmen qamtý, sanıtarlyq tazalaý, avtomobıl joldary, jaryqtandyrý, kógaldandyrý qyzmetine jáne Astana qalasynyń kommýnaldyq sharýashylyq qyzmetine qatysty suraqtaryńyz nemese usynystaryńyz bolsa, WhatsApp-qa jazyńyzdar. Telefon kitapshalarynda meniń nómirim joq turǵyndar úshin qaıtadan jarııalaımyn +77019110600 ✊», - dep jazady ákimniń orynbasary óziniń feısbýktegi paraqshasynda.
Eske sala ketsek, osy aqpan aıynda Astana qalasy ákiminiń ókimimen Arman Turlybek ákimniń orynbasary bolyp taǵaıyndalǵan edi.
