Astana ákiminiń tapsyrmasymen suramshaqtyqpen aınalysatyn tulǵalar qaladan shyǵaryldy

Bul týraly óziniń jeke blogynda turǵyndardyń suraǵyna jaýap bergen elorda ákimi Imanǵalı Tasmaǵambetov málim etti.

«Meniń tapsyrmammen, 16 jeltoqsan kúni Astana qalasynyń Іshki ister departamenti kóshi-qon polıtsııasy bóliminiń qyzmetkerleri suramshaqtyqpen jáne qańǵybastyqpen aınalysatyn tulǵalardy anyqtaý maqsatynda Zataevıch, Maıkótov, Ýálıhanov kóshelerinde, «Green» jáne «Artem» saýda úıleri mańyndaǵy avtoturaqtar aýmaǵynda shuǵyl- aldyn alý is-sharalaryn ótkizdi. Nátıjesinde Ózbekstannyń 12 azamaty (ulttary lıýlı), sonyń ishinde kámelettik jasqa tolmaǵan 5 bala anyqtaldy. Olar avtobýspen Astana-Shymkent baǵyty boıynsha elorda aýmaǵynan shyǵaryldy», - dep atap ótti ákim.

Qala basshysynyń aıtýynsha, 17 jeltoqsan kúni Ýálıhanov kóshesiniń boıynan Ózbekstan Respýblıkasynyń taǵy 5 azamaty ustaldy. Olar sondaı-aq óz elderiniń shekaralaryna deıin deportatsııalandy.

«Qazirgi ýaqytta Astana qalasynyń ІІD Kóshi-qon polıtsııasy basqarmasynyń qyzmetkerleri laıyqty quqyqtyq tártipti qamtamasyz etý maqsatynda elordanyń ortalyq kóshelerinde patrýldik kezekshilikti jalǵastyrýda. Tilemsektikpen aınalysatyn tulǵalarǵa erekshe nazar aýdarylýda», - dep túıindedi I.Tasmaǵambetov.