Astana ákiminiń orynbasary ereje buzǵan júrgizýshilerdi birden qatań aıyppuldarmen jazalamaýdy surady
ASTANA. QazAqparat - Astana ákiminiń orynbasary Andreı Lýkın jańadan engizilgen "Jol erejelerine" qatysty polıtseılerden ereje buzǵandardy birden jazalamaýdy surady.
"Men IID basshylyǵyna qolqa salaıyn dep otyrmyn. Bizde engizilgen jańa erejelerdi barlyq jurttyń bilip úlgermeıtini anyq. Sondyqtan túsinistik tanytyp, olardy qatań jazalamaı, túsindirme jumystarymen ǵana shektelseńizder", - dedi ol elorda ákimdiginde ótken jańa erejelerdi túsindirýge arnalǵan semınarda.
Aıta keteıik, 2015 jyldyń 1 qańtarynan Ákimshilik quqyq buzýshylyq týraly kodekstiń jańa redaktsııasy kúshine endi. Onyń ishinde "Jol erejeleri" baptary boıynsha jol-kólik erejelerin buzý faktilerine qatysty jaýapkershilikter qatańdatyldy.
