Astana ákimi jóndelip jatqan jol ýchaskelerine bardy

ASTANA. QazAqparat - Búgin Astana ákimi Imanǵalı Tasmaǵambetov jóndeý-qurylys jumystary júrgizilip jatqan jol ýchaskelerine bardy. Bul týraly astana.kz saıtyna shara barysynda málim boldy.

Qala basshysy qurylys kompanııasynyń jumyskerlerimen joldarda júrgizilip jatqan jumystar men onyń sapasy jaıly áńgimelesti. Qalanyń kóliktik modeli aıasynda júrgizilgen taldaýǵa sáıkes kóshelerde 18 problemalyq ýchaske anyqtaldy, bıyl 8 jolda kólik qozǵalysy jeńildetilmek.

Qazirgi ýaqytta elordada jol jumystary birneshe baǵytta júrgizilip jatyr. Atap aıtqanda, problemalyq ýchaskelerde júktemeni azaıtý, shaǵyn aınalma jol salý, jańa joldar salý jáne eski kóshelerdi qalpyna keltirý, turǵyn alabtarynda jol ınfraqurylymyn damytý, sondaı-aq, kóshelerdi ortasha jóndeý. Ústimizdegi jyly 76,5 km jol jóndelip, qalpyna keltirilmek, sonyń ishinde 19,16 km qosylǵan turǵyn alabtarynda ornalasqan.

Budan basqa, salynyp jatqan joldardyń sapasyn arttyrý úshin ınnovatsııalyq tehnologııalar engizilip jatyr. Mysaly, jabyn qabatyndaǵy qatty karkas qurylymymen erekshelenetin jańa asfalt túri qoldanylady. Elordada jol jóndeý jáne jol salý jumystarynyń sapasyn baqylaýdy qamtamasyz etý úshin «Bıýro Verıtas» halyqaralyq kompanııasy tartylyp otyr. Qazirgi ýaqytta kompanııa qala kóshelerine monıtorıng júrgizýde.