Astana ákimi jergilikti kásipkerlerdiń saldyr-salaqtyǵyna qatysty eskertý jasady
ASTANA. QazAqparat - Astana ákimi Ádilbek Jaqsybekov ózderiniń esik aldyndaǵy qardy tazalaýǵa qulyqsyz meıramhana, qonaqúı, dámhana men shashtarazdar ıelerine qatty syn aıtty.
"Keıde qonaq shaqyryp, kisi kútý kerek, biraq meıramhananyń aýzyna da kele almaısyń. Ákim solaı kelip jatsa, qarapaıym halyq qalaı ótedi?! Sol jerde qulap, jaralanýyń da múmkin. Osynyń barlyǵyna qala bıligi kináli ma?!", - dedi ákim búgin qala turǵyndarymen bolǵan eseptik kezdesýinde.
Onyń aıtýynsha, polıtsııa endi ondaı kásipkerlerge qatań baqylaý jasap otyrmaq. "Іshin altynmen aptap qoıady, maqtanady, al dál kóz aldynda turǵan qoqysty jınaýǵa shamalary jetpeıdi. Olar úshin memleket bıýdjetten aqsha bólip, jınap ketý kerek eken. Esik aldy 50-60 metr qar, qatqan muz. Buǵan eń birinshi ıesi jaýapty. Barsha álemde solaı. Birinshiden, ondaı meıramhanalarǵa, shashtaraz ben ashanalarǵa biz barmaýymyz kerek, bıznesteri japa sheksin", - dedi ákim.
Onyń sózine qaraǵanda, árbir turǵyn qala úshin óz úlesin qosyp, astanalyq mentalıtetti qalyptastyrýy shart.
