Astana ákimi ustazdar qaýymyn kele jatqan Bilim kúnimen quttyqtady
ASTANA. QazAqparat - Búgin elordadaǵy bilim berý qyzmetkerleriniń dástúrli tamyz konferentsııasyna qatysa otyryp, Astana qalasynyń ákimi Ádilbek Jaqsybekov ustazdar qaýymyn kele jatqan Bilim kúnimen quttyqtady.
«Sanaýly kúnderden keıin jańa oqý jyly bastalady. Barshańyzdy kele jatqan Bilim kúnimen shyn júrekten quttyqtaımyn. Memleket úshin bilim men tárbıeniń orny qashan da erekshe. Bul rette, elordamyz Qazaqstannyń ózge de aımaqtaryna úlgi bolýy kerek. Sondyqtan, bizdegi jaýapkershiliktiń júgi aýyr»,-deıdi Á.Jaqsybekov. Qala ákimi atap ótkendeı, Astana qalasynyń túlekteri bıyl UBT-dan eń joǵarǵy ball jınady. «Ulttyq biryńǵaı testileýdiń 2015 jylǵy ındeksi boıynsha Astana respýblıka boıynsha birinshi oryn aldy. Ol, árıne, ustazdardyń zor eńbeginiń nátıjesi. Aldymyzda turǵan mindetterdi de osyndaı abyroımen atqaratynymyzǵa senimdimin»,-dep atap ótti Á.Jaqsybekov. Aıta keteıik, búgin Astana qalasynyń ákimi Á.Jaqsybekovtiń, Bilim jáne ǵylym mınıstri A.Sárinjipovtiń qatysýymen elorda ustazdarynyń tamyz konferentsııasy ótip jatyr.
