Astana ákimi sýǵa qatysty maýsymdyq problemanyń sheshimin atady
«Biz qazir sý resýrstaryn basqarý boıynsha jospar aıasynda júıeli jumysty bastadyq. Jyl saıyn birqatar óńirde sýmen kúres bastalady. Bizdiń klımattyń ereksheligine baılanysty kóktemde kún jylyǵanda tasqyn sý jaıyla bastaıdy. Osy oraıda buǵan eleýli kúsh jumyldyrylady. Al jazda sý jetispeıdi. Sondyqtan da Azııa damý banki men Eýropa damý bankin tartyp, keshendi josparǵa qadam jasamaqpyz. Bul turǵyda jerasty sýy, tasqyndy sý jáne sýmen qamtamasyz etý baǵytyndaǵy barlyq máseleler eskeriledi. Osy rette kóptegen problemany sheshemiz, birinshi kezekte ekologııalyq máselege mán beriledi»,-dedi Isekeshev Astana ekonomıkalyq forýmynda.
Onyń sózine qaraǵanda, bul sheshim qalalyq ortany transformatsııalaý baǵdarlamasynyń bir bóligi bolyp tabylady. Onyń aıasynda 50 qoǵamdyq keńistik aıqyndalǵan. Olar qalalyq ómirdiń ortalyǵy bolyp qalyptasady. Bul rette kóshelerdi, alańdardy, saıabaqtardy, jaıaý júrginshiler jáne velosıped ınfraqurylymyn damytý qamtylyp otyr.