Astana ákimi sapasyz oqýlyqtar baspalyq kelisimderdiń kommertsııalyq paıda tabýy dep biledi
TANA. 23 tamyz. QazAqparat /Gúlmıra Alıakparova/ - Búgin Astanada ótken bilim salasy qyzmetkerleriniń dástúrli tamyz máslıhatynda qala ákimi Imanǵalı Tasmaǵambetov sapasyz oqýlyqtarǵa qatysty óz pikirin bildirdi.
I.Tasmaǵambetovtyń aıtýynsha, jaqsy oqýlyq jańa urpaqqa búgingi ómir týraly qoldanbaly bilim berip qana qoımaýy tıis, ol erteńgi kúni oqýshy súıene alatyn, osy bilimdi jańa jaǵdaılarda paıdalana alatyndaı berik irgeni qalaýy qajet.
«Bizde jańa nárse eskiden jaqsy dep sanaý qalyptasyp qalǵan. Biraq sońǵy on jylda keıbir oqýlyqtar birneshe ret jáne eń ókinishtisi, avtorlardyń ártúrli túzetýlerimen qaıta basylyp shyqty. Árıne, ǵylym qarqynmen alǵa basyp kele jatqanyna jáne ony zamanaýı jaǵdaıda zertteý qajettigine shúbá keltirmeımiz. Biraq mektepte ǵylymnyń jańa jetistikterine asa baılanbaǵan jekelegen pánder de bar emes pe?! Mysalǵa, geometrııa - klassıkalyq eskilik zamannan keledi. Onda úıretiletin dúnıeler Evklıdtiń kezinen belgili. Meniń oıymsha, bul jerde sebep bireý - bilim berý salasyna jáne oqýlyqtardyń sapasyna esh qatysy joq baspalyq kelisimderdiń kommertsııalyq paıda tabý maqsaty», - dep atap ótti ákim.
Qala basshysynyń aıtýynsha, bul, saıyp kelgende, oqýshynyń bilimine jáne onyń odan ári bilim alýyna kesirin tıgizedi.
