Astana ákimi Orynbor kóshesiniń áýejaıǵa deıingi jańa ýchaskesin ashty
ASTANA. 6 shilde. QazAqparat - Búgin elorda ákimi Imanǵalı Tasmaǵambetov qalanyń Esildiń sol jaǵalaýyndaǵy Orynbor kóshesindegi ákimshilik ortalyqtan Astana Halyqaralyq áýejaıyna deıingi jańa ýachaskede avtokólik qozǵalysyn ashty.
«Astana - memleketimizdiń bas qalasy. Sondyqtan da osy qalanyń turmys-tirshiligi, kósheler men nysandardyń qurylysy Elbasynyń erekshe nazarynda. Árıne, qala ósip órkendeý úshin sapaly joldar kerek. Osy oraıda búgin Astana kúninde qala úshin mańyzdy dańǵyl jol paıdalanýǵa tapsyrylyp jatyr. ıAǵnı, zaman talabyna saı kóshe paıda boldy»,-dedi ákim.
Bul turǵyda I. Tasmaǵambetov atalǵan joldyń qurylysyna jumyldyrylǵan «AIS Astana» jáne «Qazgerstroı» merdiger mekemeleriniń jumysshylaryn qala kúnimen quttyqtap, olardyń osy atqarǵan jumystaryna alǵysyn aıtty.
