Astana ákimi men energetıka mınıstri JEO-2-ni jańǵyrtý barysymen jáne JEO-3 qurylysymen tanysty

Bul týraly Astana qalasy ákimdiginiń resmı saıtynda habarlandy.

Búgingi tańda JEO-2 №7 qazandyq pen №5 týrbınany montajdaý, bas korpýstyń tóbesin jáne kúl úıindisi ǵımaratyn qalpyna keltirý boıynsha jumystar jalǵasýda.

JEO-3 sý jylytý qazandyǵy men qazandyqtardyń ózderin, JEO-1 men JEO-3 arasynda tehnologııalyq qubyrlardyń estakadalaryn jáne jylý jelilerin montajdaý jumystary qolǵa alyndy.

Nysannyń ekinshi kezegin salý 2018 jylǵa josparlanyp otyr, 550 tonna bý/saǵ boıynsha eki bý qazandyǵy agregattarmen jáne 120 MVt jylýfıkatsııalyq týrboagregattarmen eki energoblokty ornata otyryp, JEO-3 bas korpýsynyń qurylysy júrgizilmek.

Jobaǵa ınvestıtsııalar tartý úshin «Astana Innovations» aktsıonerlik qoǵamy halyqaralyq ınstıtýttardyń qatysýymen JEO-3 ekinshi kezegin salý boıynsha úzdik ınvestıtsııalyq usynystardy anyqtaýǵa ashyq konkýrs ótkizý boıynsha konkýrstyq qujattama ázirlep jatyr.

Buǵan deıin, Astana ákimi Ádilbek Jaqsybekov elektr energııasy men sý berýdi josparly túrde ajyratýdy toqtatyp, elordanyń jylý-energetıkalyq damýy máselelerine erekshe nazar aýdarýdy tapsyrǵan bolatyn.