Astana ákimi mektep oqýshylary sabaqqa barmaıtyn kóshedegi temperatýra rejımin aıtty
ASTANA. 26 jeltoqsan. QazAqparat - Astana ákimi Imanǵalı Tasmaǵambetov mektep oqýshylary sabaqqa barmaıtyn kóshedegi temperatýra rejıminiń parametrlerin atady.
«Jalpy bilim beretin mektepterde, kásiptik lıtseılerde jáne kolledjderde aýa raıynyń qolaısyz jaǵdaılaryna baılanysty sabaqtar bolmaıtyn temperatýra parametrleri belgili, olar saıtqa ornalastyrylǵan, soǵan qaraı sizder balany sabaqqa jiberý qajet pe, joq pa, ózderińiz anyqtaı alasyzdar», dep jazdy I.Tasmaǵambetov óziniń blogynda suraqtarǵa jaýap bere kelip.
Aıtalyq, kóshede Tselsıı boıynsha -25 gradýs jáne jeldiń jyldamdyǵy sekýndyna 2 metrden joǵary bolsa, 1-4 synyptar oqýshylarynyń sabaǵy bolmaıdy,. Al temperatýra -30 gradýstan tómen jáne jeldiń jyldamdyǵy sekýndyna 2 metrden joǵary bolsa, 1-9 synyptardyń sabaqtary toqtatylady. Eger temperatýra -35 jáne odan tómen jáne jeldiń ekpini 2 metrden joǵary bolsa, mektep oqýshylary ǵana emes, kásiptik lıtseılerdiń jáne kolledjderdiń 1-2 kýrs stýdentteri de oqymaıdy. Alaıda jeldiń jyldamdyǵy 2 metrden kem bolsa, temperatýra rejımi 5 gradýsqa ulǵaıady.
Sabaqtardyń bolmaıtyny týraly aqparattardy 118, 169, 55 68 67, 55 66 03, 55 68 72, 34 29 71, 57 45 32 telefondary arqyly sondaı-aq «31 arnanyń» júgirtpe joldary arqyly birinshi aýysym úshin 6-45-ten 7-45-ke deıin, ekinshi aýysym úshin 12.15-ten 13.00-ke deıin bilýge bolady.
