Astana ákimi karaokede án salatyn talanttardy izdeıdi
ASTANA. QazAqparat - Búgin tańerteń «Jastar» saraıynda Astana qalasy ákiminiń kýbogy úshin «Bárimiz án salamyz!» karaoke chempıonatyna kastıng ótedi.
Astana qalasy ákimdiginiń qoldaýymen «Jastar» saraıy uıymdastyryp otyrǵan mýzykalyq joba 16 jastan joǵary talantty oryndaýshylardy oǵan qatysýǵa shaqyrady. Mýzykalyq bilimi bolǵan-bolmaǵanyna qaramastan, tilek bildirýshilerdiń bári de óziniń súıikti ánderiniń birin oryndap, irikteýden óte alady.
Kastıngiden ótken talantty oryndaýshylar úshin vokal boıynsha tájirıbeli oqytýshylarmen trenıngiler, juldyzdarmen sheberlik sabaqtary jáne basqa da sharalar ótedi.
Chempıonat erejesine sáıkes qatysýshylar úsh topqa bólinedi: «mýzykalyq bilimimen 16-dan 30 jasqa deıin», «mýzykalyq bilimi joq 16-dan 30 jasqa deıin»; «mýzykalyq bilimi bar-joǵyna qaramastan 31 jastan joǵarylar úshin».
Uıymdastyrýshylardyń aıtýynsha, fınal 2016 jylǵy 5-6 shilde kúnderi Astana kúnin merekeleý kezinde bolady. Úsh toptaǵy jeńimpazdar «Karaoke chempıony-2016» ataǵyna jáne aqshalaı syılyqqa ıe bolady. Eń kóp ball alǵan qatysýshy Astana qalasy ákiminiń kýbogyn ıelenedi.
«Bárimiz án salamyz!» karaoke chempıonaty alǵash ret Astanada 2015 jyly ótti. Oǵan eki júzge jýyq ótinim qabyldandy. Onyń qorytyndylarymen Denıs Nı, Nurlan Tókenov jáne Mılana Serikova jeńimpaz atanǵan bolatyn.
