Astana ákimi qaladaǵy kúl-qoqysy kóp aýdandy atady
ASTANA. QazAqparat - Astana qalasynyń ákimi Áset Isekeshev óziniń áleýmettik jelidegi paraqshasy arqyly elordada kúl-qoqysty shyǵarý jumystary boıynsha esep berdi, dep habarlaıdy QazAqparat tilshisi.
"Ekologııalyq aılyq aıasynda ruqsatsyz tógilgen kúl-qoqystyń 130 úıindisi anyqtaldy. Sonyń 111-in tolyǵymen shyǵaryp tastady. Endi, 19 úıindi qaldy. Bir aıdyń ishinde kúl-qoqystyń 12 myń 210 tonnasy shyǵaryldy", - dep jazdy ákim óziniń Feısbýk jelisindegi paraqshasynda.
Onyń sózine qaraǵanda, Astanada kún saıyn 465-500 myń tonna qatty turmystyq qaldyqtar men basqa da kúl-qoqystar shyǵarylyp otyrady. Qala basshysy ruqsatsyz tógilgen kúl-qoqys úıindilerdiń qaı aýdanda kóp ekenin de jazdy. Atap aıtqanda, Almaty aýdanynda 25 zańsyz úıindi anyqtaldy. Ol jerde kún saıyn kúl-qoqystyń 140 tonnasy shyǵarylady. Esil aýdanynda 45 zańsyz úıindi anyqtaldy. Atalǵan aýdannyń turǵyndary kún saıyn 95 myń tonna kúl-qoqysty laqtyrady. Al Saryarqa aýdanynda 60 ruqsatsyz úıindi bolǵan. Aýdanda kún saıyn qala syrtyna kúl-qoqystyń 230 myń tonnasy shyǵarylady.
