Astana ákimi ІІD-inen vokzal aýmaǵyn «túngi kóbelekterden» tazartý boıynsha shara qabyldaýdy talap etti
ASTANA. QazAqparat - Búgin Astana ákimi Ádilbek Jaqsybekovtiń tóraǵalyǵymen ótken apparattyq jıyn barysynda qaladaǵy ózekti máseleniń biri vokzal aýmaǵyndaǵy jaǵdaı talqylandy, dep habarlady qalalyq ákimdiktiń baspasóz qyzmetinen.
Qaıyrshylar, «túngi kóbelekterdiń» qyzmetin usynatyn sýtenerler jáne vokzal aýmaǵyndaǵy qym-qýyt tirliktiń bári qala turǵyndary men qonaqtary tarapynan aıtylatyn kóp synǵa túrtki bolady.
- Mysaly, «Vechernıaıa Astana» gazetiniń senbilik nómirinde tilshi ózge qaladan kelgen adam retinde kórinip, vokzal aýmaǵyndaǵy ómirdiń barlyq qyr-syryn ashyp bergen. Bul keshe ǵana oryn alǵan jaǵdaı emes. Іshki ister departamentinen vokzal aýmaǵyn tazartý boıynsha shara qabyldaýdy talap etemin, - dedi ákim Ádilbek Jaqsybekov.
