Astana ákimi I. Tasmaǵambetov UOS ardagerlerine páter kiltin tabystady
Búgingi kúni Astanadaǵy barlyq UOS ardageri (100 paıyz) turǵyn úımen qamtamasyz etildi. 2009-2013 jyldary kommýnaldyq turǵyn úı qorynan 218 páter berilgen: 2009 jyly - 106, 2010 - 56, 2011 - 22, 2012 - 6, 2013 - 28.
Budan basqa, aǵymdaǵy jylǵy qańtardan bastap UOS ardagerleri turyp jatqan turǵyn úı-turmystyq jaǵdaılaryn tekserý jumystary júrgizildi. Tekserý nátıjesi 26 ardagerdiń turǵyn úıine kúrdeli jóndeý qajettigin kórsetti: 17 páter jylytý nemese plastıkalyq tereze men balkondar ornatýdy, 3 páter - jylytýdy nemese kireberis esikti aýystyrýdy, 5 páter - edenin jylytýdy nemese eden jamylǵysyn aýystyrýdy, 2 páter - kúrdeli jóndeýdi, 1 jekemenshik úı - jóndeýdi, 3 páter jýynatyn bólmedegi kafeldi aýystyrýdy qajet etedi.
Eske sala keteıik, 2014 jylǵy 1 sáýirdegi jaǵdaı boıynsha Astanada 258 UOS ardageri, olardyń ishinde UOS qatysýshylary - 194 adam, UOS múgedekteri - 64 adam. Olardyń barlyǵy 150 myń teńge kóleminde birjolǵy aqshalaı tólem túrinde jergilikti bıýdjet qarajatynan áleýmettik kómek aldy. Qalada olar úshin birqatar áleýmettik qoldaý kózdelgen: kommýnaldyq jáne ózge de qyzmetter tólemine, qalalyq jolaýshylar kóliginde tegin júrip-turýǵa, sanatorııalyq-kýrorttyq emdelýge, dári-dármektermen qamtamasyz etilýge, páterlerine jóndeý jumystaryn júrgizýge áleýmettik kómek kórsetiledi.
