Astana ákimi I.Tasmaǵambetov elordalyq ustazdardy kásibı merekelerimen quttyqtady
STANA. Qyrkúıektiń 30-y. QazAqparat /Gúlmıra Álıakparova/ - Búgin Astanadaǵy Kongress-Holl saraıynda Ustazdar kúnine arnalǵan saltanatty jıyn ótti. Elordalyq muǵalimderdi kásibı merekelerimen qala ákimi Imanǵalı Tasmaǵambetov quttyqtady.
«Ustaz! Osy bir sózdiń túbinde - qanshama kıeli qudiret, ulaǵatty uǵym jatyr. Adam balasy ne zamaman beri jańany úırenip, ǵalymdy ıgeri, bilimdi toqýmen keledi. Qaı kezeńde bolmasyn tálim men tárbıe berý - eń uly murat. Bul oraıda, oqýshy zerdesin osynaý asyldy darytýshy, bilimniń baǵdary, urpaqtyń baǵbany ol eń aldymen - muǵalim. Endeshe, muǵalimder kúni - orny bólek, dárejesi bıik, eń ulyq ta ulaǵatty mereke. Olaı bolsa barsha ustazdar qaýymyn osynaý mereıli merekelerimen shyn júrekten quttyqtaımyn», - dedi quttyqtaý sózinde Astana qalasynyń basshysy.
Ákim atap kórsetkendeı, búginde Astana qalasynda jas urpaqqa bilim men ónegeli tárbıe berý isimen 8 myńnan astam ustaz aınalysady. Josparly túrde jáne kezeń-kezeńimen ustazdardyń jalaqysy men baspana máseleleri sheshilip keledi. Máselen, 2010 jyly respýblıkalyq bıýdjet sheńberinde olardyń jalaqysy 25 paıyzǵa kóbeıdi. Keler jyly memleket muǵalimderdi jalaqysyn taǵy 30 paıyzǵa arttyrý mindetin oryndaıdy.
«Sonymen qatar, Elbasynyń tapsyrmasyna sáıkes ótken jyly arendalyq turǵyn úı qorynan 155 ustazǵa páter berildi. Turǵyn úı memlekettik baǵdarlamasy boıynsha 582 ustaz, tamyz aıynda bilim berý salasy qyzmetkerleriniń jınalysynda taǵy 10 muǵalim baspana kiltterin aldy», - dedi.
Saltanatty jınalys barysynda I.Tasmaǵambetov, ártúrli atalymdar boıynsha jyl saıyn ótkiziletin baıqaýdyń jeńimpazdaryn marapattady. Máselen, №60-shy mektep-lıtseı «Jyldyń tańdaýly mektebi» dep tanyldy. Mektep ujymyna qala ákiminiń 750 myń teńge kólemindegi granty men aýyspaly Kýbok tapsyryldy. Sonymen birge, Astana qalasynyń ıntellektýaldyq elıtasyn qalyptastyrýda orasan zor jetistikterge jetkeni úshin, osy bilim ordasynyń 10 úzdik muǵaliminiń aı saıynǵy jalaqysyna 50 paıyz qosymsha ústeme qosyldy.
Sondaı-aq, 750 myń teńge kólemindegi syıaqyny «2010 jyldyń eń úzdik balabaqshasy» atanǵan - №29-shy «Aq qaıyń» balabaqshasy aldy.
«Eń úzdik kásiptik kolledj» atanǵan Ekonomıka, tehnologııa jáne taǵam ónimderin standarttaý kolledji, «Qosymsha bilim beretin eń úzdik mekeme» atanǵan №1-shi balalarǵa arnalǵan mýzykalyq mektep pen «Eń úzdik arnaıy bilim berý ordasy» atalymynda jeńiske jetken Arnaıy túzeý mektep-ınternaty da syılyqsyz qalmady.
Al saltanatty jıynnyń eń baǵaly syılyǵy - páter kilti «Jyl muǵalimi 2010» baıqaýynyń jeńimpazy - №38-shi mektep-lıtseıdiń joǵary sanattaǵy ustazy Sáýle Ázimhanovaǵa buıyrdy.
