Astana ákimi I.Tasmaǵambetov Elbasynyń Joldaýy boıynsha ınternet-konferentsııa ótkizedi
ASTANA. 24 aqpan. QazAqparat /Gúlmıra Álıakparova/ - 24 aqpan kúni tańerteńgi saǵat 9.00-den keshki 18.00-ge deıin www.e-gov.kz saıtynda Astana qalasynyń ákimi Imanǵalı Tasmaǵambetovtyń Qazaqstan Prezıdenti N.Nazarbaevtyń «Bolashaqtyń irgesin birge qalaımyz!» atty Joldaýynyń basymdyqty baǵyttaryn Astanada júzege asyrý joldary týraly ınternet-konferentsııasy ótedi.
Eske salaıyq, ótken aqpan aıynyń 1-i kúni elorda ákimi Elbasynyń «Bolashaqtyń irgesin birlesip qalaımyz!» Joldaýynda atap kórsetilgen basymdyqtardy talqylaý maqsatynda qala belsendilerimen kezdesip, birqatar jaýapty tulǵalarǵa tapsyrmalar júktegen bolatyn.
Máselen, Astana úshin ózekti bolyp tabylatyn energııany tıimdi qoldaný, sýmen qamtamasyz etý jáne turǵyn úı-kommýnaldyq sharýashylyq máseleleri ákim orynbasary Vasılıı Krylovqa, ekonomıkanyń naqty sektoryn, ásirese kásipkerliktiń ósimine jol ashatyn Óńirlik damý baǵdarlamasyn daıyndaý máselesi ákim orynbasary Qanat Sultanbekovke, kásibı-tehnıkalyq bilim berý, balabaqshalardaǵy oryn tapshylyǵy, emhanalardyń jetispeýshiligi men eńbekpen qamtamasyz etý máseleleriniń túıinin tarqatý ákim orynbasary Aıda Balaevaǵa tapsyryldy.
