Astana ákimi I.Tasmaǵambetov 7-qysqy Azııa oıyndary men 16-jazǵy Azııa oıyndarynyń jeńimpazdaryna páter kiltterin tabys etti

Elorda ákimi sportshylardy baıraqty dodadaǵy jeńisterimen quttyqtaı kele: «Kópten kútken, daıyndalǵan Aq Azıada óz máresine jetti. Bul tutas Qazaqstannyń abyroıy dep esepteımin. Sonymen qatar sizder Astananyń da ataǵyn álemge taǵy bir shyǵardyńyzdar. Árbir jeńis, bul jeke adamnyń emes, eń aldymen eldiń, halyqtyń, týǵan jeriń men qalańnyń jeńisi. Sondyqtan sizderdiń jeńisterińizge el bolyp qýandyq. Qazaqstan buǵan deıin Azııa oıyndarynda birinshi oryn alyp kórgen emes. Táýelsizdigimizdiń 20 jyldyǵyna sizder - jastar birinshi bolyp jeńiske jetip, úlken syı jasadyńdar», - dep atap ótti.

Páter kiltterin barlyǵy 10 sportshy aldy. Olar - bokstan halyqaralyq dárejedegi sport sheberi, 16-jazǵy Azııa oıyndarynyń jeńimpazy Danııar Eleýsinov; bokstan halyqaralyq dárejedegi sport sheberi, 16-jazǵy Azııa oıyndarynyń qatysýshysy Vıtalıı Levıt; áıelder kúresi boıynsha halyqaralyq dárejedegi sport sheberi, 16-jazǵy Azııa oıyndarynyń qola júldegeri Aıym Ábildına; dzıýdodan halyqaralyq dárejedegi sport sheberi, 16-jazǵy Azııa oıyndarynyń qatysýshysy Tımýr Bolat; kórkem gımnastıkadan halyqaralyq dárejedegi sport sheberi, jekeleı jáne komandalyq esepte 16-jazǵy Azııa oıyndarynyń jeńimpazy Anna Alıabeva; Astana qalasy quramasynyń jattyqtyrýshysy, 16-jazǵy Azııa oıyndarynyń jeńimpazy, Azııa chempıony Maıa Zeınýlına; sporttyq baǵdarlaýdan sport sheberi, 7-qysqy Azııa oıyndarynyń tórt dúrkin chempıony Mıhaıl Sorokın; sporttyq baǵdarlaýdan halyqaralyq dárejedegi sport sheberi, 7-qysqy Azııa oıyndarynyń tórt dúrkin jeńimpazy Olga Novıkova; sporttyq baǵdarlaýdan sport sheberi, 7-qysqy Azııa oıyndarynyń jeńimpazy Elmıra Moldasheva jáne erkin kúresten 16-jazǵy Azııa oıyndarynyń qol júldegeri Leonıd Spırıdonov.