Astana ákimi halyqaralyq baıqaýdyń jeńimpazyn quttyqtady
ASTANA. QazAqparat - 7 jyldan beri skrıpka ónerin meńgerip kele jatqan Rýslan Turyntaev jýyrda jas skrıpkashylar arasynda ótken halyqaralyq baıqaýda úzdik atandy. Búgin elorda ákimi Imanǵalı Tasmaǵambetov jas mýzykantty osy jeńisimen quttyqtady, dep habarlaıdy astana.kz.
«Tabysqa jetý úshin qajyrly eńbek etý kerek. Eshteńe de jaıdan jaı bolmaıdy. Al seniń talabyń zor. Sondyqtan, alǵa, Rýslan», - dedi Imanǵalı Tasmaǵambetov.
On bes jasar skrıpkashy básekelesteriniń osal bolmaǵanyn, biraq, Astanaǵa tartý jasaý úshin bar kúshin salǵanyn aıtty.
Rýslan búginde P.I.Chaıkovskıı atyndaǵy Máskeý memlekettik konservatorııasy janyndaǵy Ortalyq mýzyka mektebinde sheberligin shyndap júr.
