Astana ákimi halyq kóp jınalatyn jerlerde temeki tartatyn oryn ashýǵa nıetti
ASTANA. QazAqparat - Astanada temeki shegýge arnalǵan oryndar paıda bolýy múmkin.
Astana ákimi Áset Isekeshev óziniń Facebook paraqshasynda arnaıy temeki tartýǵa arnalǵan oryny bar Sıngapýr jaǵalýynyń fotosyn jarııalady. Bul jazbasynda ol: «Tolyq kelisemin. Astanada da dál osyndaı oryndar ashamyz. Óskeleń urpaqty oılaý kerek», - dep jazdy.
Fotony buǵan deıin Astana turǵyny Marat Tolybaev jarııalaǵan edi.
«Sıngapýrdyń Marına Beı jaǵalaýynda arnaıy temeki shegetin oryndar bar. ıAǵnı, kez kelgen jerde temekisin ustap, ótken-ketkenge ýly tútin úrleýge bolmaıdy. Meniń oıymsha, bul durys sheshim. Qalaı bolǵanda da, halyq kóp jınalatyn oryndarǵa kerek-aq», - dep jazǵan bolatyn Tolybaev.
