Astana ákimi Golovkınge qoldaý bildirý sózderi jazylǵan ınstallıatsııany kórsetti
ASTANA. QazAqparat - Elordada túngi ýaqytta kópqabatty úılerdiń syrtynda qazaqstandyq boksshy Gennadıı Golovkınge qoldaý bildirý sózderi shyǵady.
Astana qalasynyń ákimi Áset Isekeshev Feısbýktegi jeke paraqshasynda «Alǵa, GGG! My v tebıa verım!» sózderi jazylǵan jaryq ınstallıatsııasy túsirilgen vıdeomen bólisti. Júgirtpe jol «Samal» shaǵynaýdanyndaǵy kópqabatty jeti turǵyn úıdiń syrtqy betine ornalastyrylǵan.
Eske salaıyq, Golovkın-Alvares jekpe-jegi 16 qyrkúıek kúni AQSh-tyń Las-Vegas qalasyndaǵy «T-Mobile» arenada ótedi. Ony «Qazaqstan» men«Qazsport» telearnalary tikeleı efırden 17 qyrkúıek kúni (ýaqyt aıyrmashylyǵyna baılanysty) kórsetedi. Golovkın-Alvares aıqasy saǵat 8.50-de bastalady.
