Astana ákimi Feısbýkte senbilikke qatysqan jurtshylyqqa alǵys aıtty
ASTANA. QazAqparat - Astana qalasynyń ákimi Áset Isekeshevtiń málimetinshe, búgingi jalpyqalalyq senbilikke 150 myńnan astam adam qatysyp, 10 myńnan astam kóshet egildi, jalpy aýdany 3 545 050 sharshy metr bolatyn saıabaqtar men gúl baqtary jınaldy.
«Qalany tazalaýǵa kelgen barlyq memlekettik mekeme qyzmetkerlerine, úkimettik emes uıym ókilderine, kásiporyndar men mekemelerden qatysqan azamattarǵa, ardagerler men zeınetkerlerge, barlyq kommýnaldyq qyzmet ókilderine, jastarǵa, elorda turǵyndary men qala qonaqtaryna úlken alǵys aıtqym keledi! Astana - sizderdiń arqalaryńyzda kórkeıip keledi», - dep jazdy ákim Feısbýkte.
Ákimdiktiń baspasóz qyzmeti taratqan aqparatqa sáıkes, búgin qala syrtyndaǵy polıgonǵa 952,08 tonna qoqys shyǵaryldy. Esil, Aqbulaq jáne Sarybulaq ózenderiniń arnalary tazartyldy.
«Kóktemgi ekologııalyq senbilikke 127 myń adam, sondaı-aq 4622 kásiporyn, uıym jáne mekeme, sonyń ishinde 44 JOO jáne arnaıy orta bilim mekemesi, 146 mektepke deıingi jáne jalpy bilim berý mekemesi, 74 densaýlyq saqtaý mekemesi, 161 memlekettik mekeme, vedomstvolar men ulttyq kompanııalar qatysty», - delingen onda
