Astana ákimi emhanalardaǵy kóp saǵattyq kezekterdi qysqartýǵa tapsyrdy
ASTANA. QazAqparat - Astana ákimi Ádilbek Jaqsybekov qaladaǵy aýrýhanalar men emhanalardaǵy kóp saǵattyq kezekterdi qysqartýǵa tapsyrdy. Bul jaıynda ol búgin elorda ákimdiginde memlekettik organdar kórsetetin qyzmetterdiń sapasy máselesine arnalǵan semınar-keńeste aıtty.
«Otbasylyq dáriger» údemeli tájirıbesi engizilgen sekildi. Alaıda, budan aıtarlyqtaı oń nátıje bolmady, turǵyndar arasynda shaǵymdardyń kóbeıgendigi baıqalýda»,- dedi ákim.
Osy oraıda ol tájirıbege engizerden buryn bastapqy-sanıtarlyq kómek modeline kóshý boıynsha tájirıbeni aldyn ala zerttegen durys ekenin atap ótti.
«Bastapqydan barlyǵyn durys zerttep alý kerek. Nelikten budan buryn adamdar oqytylmaǵan jáne tıisti keńester berilmegen. Osyny aldyn ala zerdeleý kerek edi. Bunyń saldary qyzmet kórsetý salasyn nasharlatty»,-dedi ákim.
Sonymen qatar Á. Jaqsybekov qaladaǵy aýrýhanalarda baıqalyp otyrǵan kezek máselesin synǵa aldy.
«Adamdar jyldamyraq tekserýden ótý úshin aldymen terapevke barýǵa májbúr. Máselen, emdelýshige okýlıstke barý qajet bolsa, ony mindetti túrde terapevke jiberedi. ıAǵnı, adamnyń qulaǵymen nemese kózimen jáne aıaǵymen problemasy bola tura, ony 2-3 saǵat kezekte kúttirip qoıady. Keıinnen taǵy mamandandyrylǵan dárigerge kezekke turady»,-dedi ol.
Bul turǵyda ákim bul máselege basa nazar aýdarý kerek ekenin jetkizdi.
