Astana ákimi elordanyń daryndy balalaryna jańajyldyq mereke tartý etti
sp;ASTANA. Jeltoqsannyń 26-sy. QazAqparat /Marlan Jıembaı/ -Astana ákimi elordanyń daryndy balalaryna jańajyldyq mereke tartý etti. Oǵan 150 oqý ozattary, pándik olımpıadalardyń, ıntellektýaldyq jáne shyǵarmashylyq baıqaýlardyń jeńimpazdary atanǵan balalar qatysty.
Jańa jyldyń dýmandy keshine jınalǵan balalardy elorda ákiminiń orynbasary Ámirhan Rahymjanov quttyqtap, olarǵa zor densaýlyq jáne oqýda tabystar tiledi. Bolashaqta osy Jańa jyl shyrshasyna shaqyrylǵan balalardyń barlyǵy da elimizdiń bas qalasynyń damýyna ózindik úles qosatyndyǵyna senim bildirdi.
Qalalyq bilim departamentiniń shaqyrýymen elorda ákiminiń shyrshasyna qatysyp otyrǵan №15 lıtseıdiń oqýshysy Iranbek Elshibek osyndaı dýmandy kesh syılaǵan Imanǵalı Tasmaǵambetovke alǵysy sheksiz ekendigin atap ótti. 2-shi synypta oqıtyn Iranbek matematıkadan, aǵylshyn tilinen qalalyq olımpıadalarǵa qatysyp, san márte birinshi oryndy ıelengen.
Balalarǵa arnalyp Aıaz Ata men Qarsha Qyzdyń, ertegi keıipkerleriniń qatysýymen teatrlandyrylǵan qoıylym uıymdastyryldy. «Juldyzdy sát», «Astana jastyǵy» estradalyq stýdııalary men «Báıterek» jáne «Shoqjuldyz» bı ansamblderiniń óner ujymdary qonaqtardyń aldarynda óner kórsetti.
