Astana ákimi elordalyq velosıpedshilerdi qýantty
ASTANA. 10 qarasha. QazAqparat - Astana ákimi Imanǵalı Tasmaǵambetov velosıpedshilerdi jaqyn arada olarǵa yńǵaıly jaǵdaı jasalatynyn aıtyp qýantty.
Ol óziniń blogynda osy maqsatta qazirde Astananyń bas josparyna ózgerister ázirlenip jatqanyn jazdy. Jol ınfraqurylymy men jol belgileriniń júıesine túzetýler engiziledi.
Ol 2011 jyly Astana-Qorǵaljyn tasjolynyń sol jaǵynda, Ilınka kenti mańyndaǵy Aqqaıyń toǵaıynda asfalttalǵan velosıped joly salynǵanyn eske saldy. Onda uzyndyǵy 3 jáne 1 shaqyrymdyq jáne eni 3,5 metrden eki sheńber jol jasalǵan. Qasynda avtoturaq bar.
«Budan basqa, velosport áýesqoılary jattyǵýlar úshin Ortalyq saıabaqtaǵy asfalttalǵan jáne jaryqtandyrylǵan shańǵy-roller jolyn paıdalana alady», - dep jazdy qala basshysy.
