Astana ákimi elordadaǵy din basylarymen kezdesti
ASTANA. QazAqparat - Búgin Astana qalasynyń ákimi Ádilbek Jaqsybekov din basylarymen kezdesti. Kezdesýdiń maqsaty - qala basshysynyń din basylarymen jáne dinı uıymdardyń qyzmetimen tanysý, dep habarlady astana.kz.
Astana qalasynyń basshysy Qazaqstan Prezıdentiniń «Nurly jol - bolashaqqa bastar jol» halyqqa Joldaýynda qazaqstandyqtar arasyndaǵy senimdi nyǵaıtýǵa, adamdardyń bir-birine degen toleranttylyǵyna erekshe nazar aýdarylǵanyn atap ótti. Sonymen qatar, Astana qalasynyń ákimdigi janyndaǵy dinı birlestiktermen baılanys jónindegi keńes otyrysy ótti. Oǵan memlekettik organdardyń, joǵary oqý oryndarynyń basshylary, maslıhat depýtattary, dinı birlestikterdiń ókilderi qatysty. Keńeste Astanada konfessııaaralyq qatynastardyń damýy, Qazaqstan musylmandary din basqarmasy ókildiginiń qaladaǵy jumysy, qoǵamdyq ınstıtýttardyń ultaralyq jáne konfessııaaralyq kelisimdi nyǵaıtýdaǵy róli sóz boldy. Otyrys qorytyndysy boıynsha, tıisti qalalyq qurylymdarǵa birqatar tapsyrmalar berildi, sondaı-aq, Keńestiń 2015 jylǵa arnalǵan jumys jospary qaralyp, bekitildi.
