Astana ákimi: Elbasy Joldaýy - bizdiń barsha qoǵam jyl saıyn taǵatsyzdana kútetin mańyzdy qujat

Bul týraly búgin Memleket basshysynyń Qazaqstan halqyna Joldaýyn talqylaý boıynsha qalalyq aktıv jıynynda Astana ákimi Imanǵalı Tasmaǵambetov málim etti.

 «Bıylǵy Joldaý - erekshe. Onda Elbasy ekonomıkany nyǵaıtý men halyqtyń ál-aýqatyn arttyrý boıynsha jańa mindetter qoıdy»,-dedi ákim.

Atalǵan jıyn barysynda Joldaý júktegen mindetter turǵysynda túrli salalardyń ókilderi baıandama jasady. Máselen, Ulttyq ǵylymı-zertteý medıtsınalyq ortalyǵynyń bas dırektory, qalalyq máslıhat depýtaty Abaı Baıgenjın Qazaqstanda onkologııalyq kómek kórsetýdi damytý baǵdarlamasyn ázirleý turǵysynda Prezıdenttiń tapsyrmasyna toqtaldy. Osy oraıda onyń paıymdaýynsha, bul óte ýaqytyly aıtylǵan sheshim. Sebebi, elimizdegi onkologııalyq kómek qyzmeti keńestik kezeń kezinde qurylǵan bolatyn jáne búginde onyń qurylymy qazirgi zaman talabyna sáıkes kelmeıdi.