Astana ákimi eks-májilismen Táńirbergen Berdiońǵarovty marapattady
ASTANA. QazAqparat - Elorda basshysy Áset Isekeshev «Belsendi azamat-2018» syılyǵynyń ıegerlerin marapattady, dep habarlaıdy «QazAqparat» HAA tilshisi.
Qala ákimi belsendi azamattardy halyqqa esep berý kezdesýi barysynda marapattady.
«Osy oraıdy paıdalanyp, Astanada jumys berý jaǵdaıy men jaılylyqty arttyrýda usynys bildirgen, janashyrlyq tanytqan elordanyń turǵyndaryna alǵys aıtamyz. Osynyń arqasynda birqatar joba júzege asyryldy. Sondyqtan, elordanyń damýyna óz oılarymen úles qosqan eń belsendi azamattardy marapattaýdy jón kórdik», - dedi Áset Isekeshev.
Osylaısha, Parlament Májilisiniń burynǵy depýtaty, búginde ózin belsendi bloger retinde tanytyp júrgen Táńirbergen Berdiońǵarov, «Arbat Astana» jobasynyń avtory Araı Ordabaeva, «Ákeler odaǵy» qozǵalysynyń burynǵy tóraǵasy Qýanysh Jumataev, belsendiler Qarlyǵash Nábıýlına, Janna Qurmanbaeva, ákimniń keńesshisi Murat Ádbimomynov qala basshysynyń qolynan marapat aldy.
Astana ákiminiń halyqqa esep berý kezdesýi "Astana" kontsert zalynda (burynǵy Kongress-Holl saraıy) ótti.
Foto: 365info.kz
