Astana ákimi «Djıro d'Italııa» velojarysyn tamashalady
ASTANA. QazAqparat - Astana qalasynyń ákimi Ádilbek Jaqsybekov qazaqstandyq «Astana» komandasynyń ókili Fabıo Arý jeńiske jetken ıtalıandyq «Djıro d'Italııa» Grand-týrynyń 20-shy kezeńine bardy, dep habarlaıdy Vesti.kz.
Astana ákimi jarystyń barysyn komandanyń bas menedjeri Aleksandr Vınokýrov jáne Qazaqstannyń velosport federatsııasynyń prezıdenti Darhan Qaletaevpen birge tamashalady.
«Osyndaı kezeńge birinshi ret kelip otyrmyn. Bizdiń «Astana» komandasy óte tanymal. Qazir ǵana úlken sporttyq gazettiń bas redaktorymen kezdestim, uıymdastyrýshylardyń baǵalary boıynsha, «Astana» - eń jaqsy uıymdasqan ári myqty komandalardyń biri. Bul, árıne, Qazaqstan úshin, birinshi kezekte Astana qalasy úshin maqtanysh», - dedi óz sózinde Astana qalasynyń ákimi.
Aıta keteıik, 199 shaqyrymdyq «Djıro d'Italııa» velojarysynyń 20-shy kezeńinde «Astananyń» ıtalıandyq veloshabandozy Fabıo Arý alǵashqy bolyp márege jetti. Al ekinshi bolyp «Cannondale-Garmin» klýbynan kanadalyq Raıder Heshedal máre syzyǵyn kesti, «Etixx - Quick-Step» komandasynan kolýmbııalyq Rıgoberto Ýran kóshbasshylar úshtigin tuıyqtady.
