Astana ákimi bilim salasyndaǵy qazaqstandyq ınteraktıvti ázirlemelermen tanysty
ASTANA. QazAqparat - Búgin elordadaǵy Tamyz keńesi aıasynda Astana ákimi Imanǵalı Tasmaǵambetov bilim salasynda Interactive Kazakhstan JShS-nyń jobalarymen tanysty.
Atalǵan kompanııanyń bas dırektory Nurlan Quraqbaı elorda ákimin fızıka, hımııa jáne bıologııany zertteýge arnalǵan 3D-baǵdarlamasymen, jaratylystaný úshin «Pasco» sandyq zerthanalyq qurylǵysymen, oqytý-ádistemelik keshenimen («Abaıtaný álippesi», «Danalyq álippesi» jáne «Tilashar»), sondaı-aq ózge de ınnovatsııalyq tehnologııamen tanystyrdy.
Óz kezeginde I. Tasmaǵambetov Interactive Kazakhstan JShS taratyp otyrǵan qurylǵylar men baǵdarlamalyq qamtamasyz etý jobalary el aýmaǵynda engizilýi jaıynda surady.
«Bizdiń keńse Astanada ornalasqan. Biz ónimdi barsha Qazaqstan boıynsha taratyp otyrmyz. Atap aıtqanda qurylǵylardy alý jónindegi bastama jergilikti jerlerdegi mektepterden kelip túsip jatyr. Osy oraıda ákimdikter men bilim basqarmalary deńgeıinde jumys isteýge nıettimiz», - dedi N. Quraqbaı.
