Astana ákimi balmuzdaq satýshysyna shara qoldanatyn boldy
ASTANA. QazAqparat - Astana qalasynyń ákimi Áset Isekeshev ruqsat etilmegen jerde saýda jasaǵany úshin balmuzdaq satýshysyna qatysty shara qoldanbaq, dep habarlaıdy QazAqparat.
«Qabyldadym. Tıisti shara qoldanylady. Bul zańsyz, basqasha aıtqanda ruqsat etilmegen jerde jasalap jatqan saýda. Polıtsııa men sanıtarlyq-epıdemıologııalyq qyzmet ókilderi onymen aınalysýda»,-dep jazdy ol feısbýktegi toptaǵy Tımýra Ýrazakov atty azamattyń paraqshasynyń astyna.
Tımýr Ýrazakov satyp alýshylarǵa balmuzdaq salyp beretin qasyǵyn sýburqaqtyń sýyna jýǵandyǵyn jazǵan bolatyn.
«Men qazir ǵana balmuzdaq satyp turǵan áıel adamnyń sýburqaqtan shynymen sý alyp kelip, óziniń janyna qoıyp qoıǵandyǵyn baıqadym. Men satýshynyń ol sýdy nelikten alyp kelgendigin bilmek bolyp baqylap turdym. Alaıda men satýshynyń ol sýmen balmuzdaq salatyn qasyǵyn jýady dep oılamadym. Óıtkeni onyń janynda kishkentaı balasy turǵan bolatyn. Ókinishke oraı men qatelesippin. Sosyn satýshynyń áreketin túsirip aldym. Quzyrly organdar kórgen bolsa shara qoldansyn»,-dep jazdy.
