Astana ákimi Aıman Musaqojaevany «Qazaqstannyń Eńbek Eri» ataǵyn alýymen quttyqtady
ASTANA. QazAqparat - Búgin Astana ákimi Ádilbek Jaqsybekov ataqty skrıpkashy Aıman Musaqojaevany «Qazaqstannyń Eńbek Eri» ataǵyn alýymen quttyqtady. Bul týraly elorda ákimdiginń baspasóz qyzmetinen habarlady.
«Aıman Qojabekqyzy, siz Prezıdenttiń elordany aýystyrý boıynsha bastamasyn qoldap, Astanaǵa birinshi bolyp kelgen mádenıet qaıratkerleriniń birisiz. 1998 jyly Astanada Mýzyka akademııasynyń negizin qalap, onyń rektory bola tura, osy kúnge deıin talaı talantty mýzykant pen kompozıtordyń juldyzyn jaqtyńyz. Sizdiń eren eńbegińiz laıyqty baǵasyn taýyp otyr», - dedi Astana ákimi.
Óz kezeginde A. Musaqojaeva Á. Jaqsybekovke turaqty qoldaýy men elordanyń rýhanı ortasyn damytý men qalyptastyrý boıynsha birlesken jumysy úshin alǵysyn bildirdi.
Aıman Musaqojaeva - QR halyq ártisi, Qazaq ulttyq óner ýnıversıtetiniń rektory, Astananyń qurmetti azamaty, QR memlekettik syılyǵynyń jáne «Qazaqstannyń Eńbek Eri» ataǵynyń ıegeri, halyqaralyq baıqaýlardyń laýreaty. Aıman Musaqojaevanyń esimi «HH ǵasyrdyń 2000 kórnekti mýzykanty» atty dúnıejúzilik qurmetti tizimge engizilgen.
