Astana ákimi áıelderdi 8 naýryzben quttyqtady
ASTANA. QazAqparat - Astana qalasynyń ákimi Ádilbek Jaqsybekov áıelderdi tól merekelerimen quttyqtady, dep habarlaıdy astana. kz.
«Kóktemniń shýaqty sáti analarymyz ben arýlarymyzdyń meıramynan bastaý alady. Іzgi nıet pen sulýlyqqa, syrbaz sezim men syılastyqqa toly osy kún jan-dúnıeni jadyratyp, júrekterge jylý beredi. Áıel baqyty - jar súıý, ana bolý, elge tutqa, urpaqqa pana bolý.
Bir qolymen besikti, ekinshi qolymen álemdi terbegen analar qaýymy el erteńine nár, tirshilikke ár beretin aıryqsha kúshke ıe. Sizderdi merekelerińizben quttyqtaı otyryp, zor densaýlyq, otbasylaryńyzǵa baq-bereke, eńbekterińizge tabys tileımin! Árdaıym jadyrap, gúldeı qulpyryp júre bergeısizder!»,-delingen quttyqtaýda.
