Astana ákimi 150 balaǵa jańajyldyq mereke uıymdastyrdy
sp;ASTANA. Jeltoqsannyń 26-sy. QazAqparat /Damır Baımanov/ - Astana ákimi 150 jetim jáne kópbalaly otbasynan shyqqan balaǵa jańajyldyq mereke tartý etti.
Qala ákiminiń búgin, jeltoqsannyń 26-synda ótip jatqan shyrshasyna Astana balalar úıiniń, «SOS Kınderdorf» balalar aýylynyń, kámeletke tolmaǵandarǵa arnalǵan panajaı ortalyǵynyń jáne basqa da mekemelerdiń tárbıelenýshileri qatysýda. Qala basshysynyń atynan jas qonaqtardy quttyqtaǵan ákimniń orynbasary Ámirhan Rahymjanov, olarǵa zor densaýlyq jáne oqýda tabystar tiledi.
Balalarǵa arnalyp Aıaz Ata men Qarsha Qyzdyń, ertegi keıipkerleriniń qatysýymen teatrlandyrylǵan qoıylym uıymdastyryldy. «Juldyzdy sát», «Astana jastyǵy» estradalyq stýdııalary men «Báıterek» jáne «Shoqjuldyz» bı ansamblderiniń óner ujymdary qonaqtardyń aldarynda óner kórsetti.
