Astana ákimdiginiń jınalystary onlaın rejımde ótkizilmek
«Qala ákimdiginiń jumysyn ashyq ete túsýdi jalǵastyramyz. Biz kóptegen kezdesýlerdi, jınalystar men kelissózderdi júrgizemiz. Al ótken aptadan bastap apta saıynǵy apparat jıynynynda kóterilgen máselelerdi egjeı-tegjeıli Sizderge xabarlap otyrýdy sheshtik. Jınalys ár dúısenbi saıyn ótedi», - deıdi Áset Isekeshev Feısbýk paraqshasynda.
Ákimniń jazýyna qaraǵanda, apparat otyrysynda ótken apta qorytyndylanyp, aldaǵy aptanyń josparlary men sheshilmegen máseleleri talqylanady. Eń basty artyqshylyǵy - osy otyrystar onlaın-translıatsııa arqyly ótkizilmek.
«Osylardyń barlyǵyn ákimdiktiń resmı saıtynan jáne áleýmettik jelilerden (facebook, instagram, telegram) oqıtyn bolasyzdar. Aıtpaqshy, áleýmettik jelimizge jazǵan barlyq aryz-shaǵymdar tez arada tıisti mekemelerge jiberiledi. Taǵy da aıta ketetin jaıt - aldaǵy ýaqytta apparat jınalysyn onlaın-translıatsııa arqyly da kórýge múmkindik alasyzdar», - dep jazdy qala ákimi.
