Astana ákimdiginiń qyzmetkerleri akterlik qyrlarynan tanyldy

Olar áleýmettik baǵyttaǵy rolık túsirip, basty keıipkerler rólin ózderi somdaǵan, dep habarlaıdy QazAqparat.

Astana qalasy ákiminiń keńesshisi Qaısar Jumabaıuly Facebook áleýmettik jelisindegi óziniń paraqshasynda «Astana - meıirimdiler qalasy» ataýymen bir mınýttyq rolık ornalastyrdy. Túsirilimde elorda turǵyndarynyń ártúrli jaǵdaılarda tanytqan meıirimdilikteri, adaldyqtary men patrıottyq sezimderi týraly baıandalady.

Q.Jumabaıulynyń sózine sensek, rolık qandaı da bir qarjylandyrýsyz túsirildi ári keıipkerler retinde ákimdik qyzmetkerleri men olardyń joldastary jumyldyrylǵan.

«Ákimdiktiń baspasóz qyzmetiniń jastary: «Rolıkti jyldam ári aqshasy ózimiz-aq túsire alamyz», - dedi de, senbi kúni osyndaı dúnıe túsirdi. Basty keıipkerler olardyń dostary jáne ákimdiktegi áriptesteri. Mine, osyndaı shyǵarmashyl adamdar, qatal baǵalaı kórmeńizder», - dep jazdy ákim Áset Isekeshevtiń keńesshisi.