Astana ákimdiginiń eki basqarmasyna jańa basshy taǵaıyndaldy

ASTANA. QazAqparat - Astana ákimdiginde birqatar kadrlyq taǵaıyndaýlar boldy, dep habarlaıdy qala ákiminiń baspasóz qyzmeti.

«Astana qalasy ákiminiń ókimderimen: Bısembaev Qaırat Áshiralyuly - Astana qalasynyń Memlekettik sáýlet-qurylys baqylaý basqarmasynyń basshysy; Ahmetov Erbater Qasembaıuly - Astana qalasynyń Jerdiń paıdalanylýy men qorǵalýyn baqylaý basqarmasynyń basshysy bolyp taǵaıyndaldy»,-delingen habarlamada.

Eske sala keteıik, jergilikti memlekettik bazalyq qurylym negizinde qalyptasqan «Qazaqstan Respýblıkasynyń elordasyn basqarý syzbasynda» úsh jańa basqarmany (Memlekettik sáýlet-qurylys baqylaý basqarmasy, Jerdiń paıdalanylýy men qorǵalýyn baqylaý basqarmasy jáne Memlekettik satyp alý basqarmasy) qurý qaralǵan bolatyn.

Buǵan deıin habarlanǵandaı, Astana qalasy ákiminiń ókimimen qalalyq memlekettik satyp alýlar basqarmasynyń bastyǵy bolyp Oljas Bektenov taǵaıyndaldy.