Astana ákimdiginde jol beketinde áıeldi bosandyryp alǵan polıtseı marapattaldy
ASTANA. QazAqparat - Astana qalasy ákimdiginde aıaǵy aýyr kelinshekti bosandyryp alǵan polıtsııa qyzmetkeri marapattaldy, dep habarlaıdy vedomstvonyń baspasóz qyzmeti.
25 tamyzda Astana qalasynyń ІІD jol-patrýldik polıtsııa polki jetinshi rotasynyń ekinshi vzvodynyń komandıri, kapıtan Baqyt Álimqulov Astana beketinde «jedel járdem» qyzmeti jetkenge deıin ózi áıeldi bosandyryp, sábıdiń kindigin kesken.
Astana qalasy Densaýlyq saqtaý basqarmasynyń basshysy E. Baıjúnisov polıtsııa qyzmetkerin marapattap, sábıdiń ómirin saqtap qalǵany úshin alǵysyn bildirdi. Ákimshilik atynan Baqyt Álimqulovqa baǵaly syılyq tapsyryldy.
Qazirgi ýaqytta sábıdiń anasy men náresteniń jaǵdaıy jaqsy, olar №3 perınataldy ortalyqtan úılerine shyǵaryldy. Atap aıtý kerek, bul ananyń besinshi perzenti eken.
Óz kezeginde, Baqyt Álimqulov aıaǵy aýyr kelinshekke qol ushyn berý - óziniń azamattyq paryzy dep sanaıtynyn aıtty.
Polıtsııa qyzmetkeri osymen úshinshi márte sábıdi bosandyrýǵa kómek kórsetken.
