Astana ákimdiginde jańa basqarmalar quryldy
ASTANA. QazAqparat - Búgin Astana ákimi Ádilbek Jaqsybekov apparat otyrysy barysynda elordany basqarýdyń jańa úlgisin bekitkenin jetkizdi. Birqatar memlekettik mekemeler atqaratyn qyzmetterin bólý jáne qosý arqyly qaıta quryldy. Ákimdikke qarasty bólimsheler qurylymy 30-ǵa deıin qysqartyldy, dep habarlaıdy oblys ákimdiginiń baspasóz qyzmetinen.
Atap aıtqanda, Jer qatynastary basqarmasy Jer ınspektsııasymen, Jumyspen qamtý jáne áleýmettik baǵdarlamalar basqarmasy Eńbek ınspektsııasymen biriktirildi. Kommýnaldyq múlik boıynsha fýnktsııalar Memlekettik satyp alýlar basqarmasyna berildi. Jolaýshylar kóligi jáne avtomobıl joldary basqarmasy ekige bólinip, biri - jol salýmen, al ekinshisi - kólik aǵyndaryn retteýmen aınalysatyn boldy. «Astana - jańa qala» AEA basqarmasy negizinde Investıtsııa jáne damý basqarmasy quryldy. Oǵan týrızm salasyndaǵy fýnktsııalar qosa berildi. Jańa basqarmalarǵa negizinen burynǵy basshylar qaıta taǵaıyndaldy. Jańadan qurylǵan Jolaýshylar kóligi basqarmasynyń basshysy bolyp Súleımenov Edil taǵaıyndaldy. Ol buryn Jolaýshylar kóligi jáne avtomobıl joldary basqarmasy bastyǵynyń orynbasary bolyp qyzmet atqarǵan bolatyn.
