Astana ákimdiginde vedomstvolyq baǵynystaǵy kásiporyndar basshylaryna eńbek daýyn sheshý joldary túsindirildi
ASTANA. 5 qarasha. QazAqparat - Astana qalasynyń ákimdiginde keńes ótti, onda Memleket basshysy N. Nazarbaevtyń «Qazaqstannyń áleýmettik jańǵyrtylýy. Jalpyǵa Ortaq Eńbek Qoǵamyna 20 qadam» baǵdarlamalyq maqalasy talqylandy.
Keńestiń jumysyna ákimdiktiń áleýmettik blogy baǵynysyndaǵy vedomstvolyq kásiporyndardyń basshylary: mektepterdiń, balabaqshalardyń, sporttyq mekemeler men medıtsınalyq uıymdardyń, mádenıet mekemeleriniń basshylary qatysty.
Astana qalasy boıynsha Eńbek jáne halyqty áleýmettik qorǵaý jónindegi departamenttiń dırektory Erkin Rahymbergenov óziniń sózinde jıi kezdesetin eńbek zańnamasynyń naqty buzýshylyqtaryn aıtyp, kásiporyndar men uıymdarda eńbek daýyn boldyrmaý jáne onyń aldyn alý boıynsha máselelerdiń sheshilý joldaryna toqtalyp ótti.
