Astana ákimdiginde qurylys salýshylar esep berdi
ASTANA. QazAqparat - Elorda ákiminiń orynbasary Sergeı Horoshýnnyń tóraǵalyǵymen turǵyn úı qurylysyna úlestik qatysý máseleleri boıynsha vedomstvoaralyq komıssııanyń kezekti otyrysy ótti, dep habarlaıdy qalalyq ákimdiktiń baspasóz qyzmeti.
Otyrys barysynda «Jastar - 4» TK qurylysy qaraldy. Vedomstvoaralyq komıssııa músheleri «Baqyt 11» JShS basshysy D.T.Karımbekova qurylysty aıaqtaý úshin aqshalaı qarjynyń túskendigi týraly aqparatty usynbaǵanyn atap ótti. Óz kezeginde, ol Іshki ister departamentiniń ǵımaratynda «Jastar - 4» TK ınvestorlarymen jaǵdaıdy túsindirý boıynsha kezdesý ótetinin málim etti.
«Industrial Innovation Group» JShS dırektory S.B. Beısenbaevtyń jer ýchaskesin «Kórkem Taýer» TK-dan «Kórkem Taýer» TQK-ǵa qaıta rásimdeý týraly ótinishi qaraldy. Salýshyǵa jer ýchaskesin TQK-ǵa qaıta rásimdeý tártibi boıynsha túsinikteme alý úshin Astana qalasynyń jer qatynastary basqarmasyna júginýge keńes berildi.
«TamyzInvestGrýpp» AQ nysandarynyń qurylysyn aıaqtaý máselesi boıynsha «Korporatsııa Remas» JShS basshysy N.S. Abdýevtyń «Altyn Raıd» turǵyn úı keshenin tehnıkalyq tekserý boıynsha qyzmet kórsetý úshin «Astana Kýrylyskonsaltıng» JShS-men kelisim jasaý týraly ótinishi nazarǵa alyndy. Komıssııa «Almaty» aýdanynyń ákimdigine, Astana úleskerleri qoǵamdyq birlestiginiń tóraǵasyna «Orbıta» jáne «Terrıtorııa komforta 2» turǵyn úı keshenderiniń turǵyndarymen qurylysty óz betinshe aıaqtaý jáne nysandy paıdalanýǵa berý týraly túsindirý jumystaryn júrgizýge keńes berdi.
«Elıt Stroı-2» JShS qatysty onyń dırektory A. Saparǵalıevaǵa VAK-tyń kelesi otyrysyna aqsha qarajatyn qaıtarýdyń naqty merzimderin belgilep, 9 qyrkúıekke deıin 4 ınvestorǵa aqshanyń qaıtarylǵanyn rastaıtyn qujattardy kórsetý usynyldy.
«Azbýka jılıa» kompanııasynyń obektileriniń qurylysy máselesi boıynsha «Orda Injınırıng» JShS ókili O.V. Nosýlenkonyń 20 qyrkúıekte túrik kompanııasymen «Sadovye kvartaly» TK boıynsha qurylys-montajdaý jumystaryn bastaý, sondaı-aq, qurylys aıaqtalǵan soń qalǵan turǵyn jáne kommertsııalyq orynjaılardy satý týraly kelisimge qol qoıylǵandyǵy týraly ótinishi nazarǵa alyndy.
Otyrys barysynda Astana úleskerleriniń qoǵamdyq birlestiginiń tóraǵasy T.N. Chýrsınanyń salýshysy «GrandElite-NS» JShS bolyp tabylatyn «Skaıp Sıtı» TK boıynsha «Komfortnyı dom» JShS aqshalaı qarajatyn qaıtarý týraly shaǵymnyń sotqa berilgenligi týraly ótinishi qaraldy. «Skaı Sıtı» TK ınvestorlarynyń ókili nysan men jer ýchaskesin TQK berý týraly sotqa talap-aryz beriletini týraly jetkizdi.
VAK músheleri MSQB men sáýlet jáne qala qurylysy basqarmalaryna salýshy «Sımýrg 2000» JShS qatysty tıisti sharalar qabyldaý úshin «Lazýrnyı bereg» JK eskızdik nobaıdan aýytqýshylyqpen salý faktisi boıynsha qorytyndy ázirleý usynyldy.
«Zere - 1», «Zere - 2» turǵyn úı keshenderiniń qurylysy boıynsha «KazGazAstana» JShS dırektory D.K. Ahmedııarovtyń qurylysty aıaqtaý úshin aqsha qarajatynyń túskendigin rastaıtyn aqparatty VAK-qa usynbaǵany, nysandaǵy jumystardyń baıaý júrgizilip jatqandyǵy atap ótildi. Astana qalasynyń ishki ister departamentine VAK-tyń kelesi otyrysyna osy salýshy týraly aqparat daıyndaý usynyldy.
Sondaı-aq, «Alǵa Toqbolat» JShS dırektory E. Áljannyń 7 qyrkúıekke deıin ınvestor K.A. Doshmanovqa salynǵan qarjyny qaıtarý týraly ótinishi qaraldy.
Astana úleskerleri qoǵamdyq birlestiginiń tóraǵasy T.N. Chýrsınaǵa, Astana qalasynyń ishki ister departamentine, MSQB, jer qatynastary jne sáýlet jáne qala qurylysy basqarmalaryna 17 qyrkúıekte Turan dańǵylynyń batysyna qaraı ornalasqan turǵyn úı kesheniniń ınvestorlarymen qurylysty óz betinshe aıaqtaý boıynsha máseleni túsindirý úshin jınalys ótkizý usynyldy.
«NM Astana Qurylys» JShS burynǵy quryltaıshysy M.T. Jagıparovtyń aıtýynsha, «Arystan» TK birinshi kezegi «A» blogynyń qurylysy 31 jeltoqsanǵa deıin, «D» blogy - 2017 jylǵy jeltoqsanǵa deıin aıaqtalady, 2-shi kezekti (B,V,G bloktary) qarjylandyrý máselesi ǵana sheshilmeı otyr. Salýshyǵa kelesi otyrysta barlyq bloktardyń qurylysyn aıaqtaý boıynsha is-sharalar josparyn kórsetý usynyldy.
«AKA AB» JShS «Ońtústik-shyǵys» turǵyn úıine qatysty VAK ınvestorlardyń bastamashylar tobyna osy nysan boıynsha qolda bar qujattar toptamasyn Astana úleskerleriniń qoǵamdyq keńesiniń tóraǵasyna berý, al «Ońtústik-shyǵys» nysanyndaǵy saýda orynjaıyn paıdalaný faktisi boıynsha MSQB basqarmasyna jazbasha ótinish berý usynyldy.
TQK tóraǵasy I.E. Aızahmetovke (JK «Kerýen») ruqsat qujattarynyń bolmaýyna baılanysty nysanda dereý barlyq qurylys-montajdaý jumystaryn toqtatý usynyldy. MSQB basqarmasyna nysan qurylysyn toqtatyp qoıý boıynsha jedel sharalar qabyldaý tapsyryldy. VAK-tyń kelesi otyrysyna salýshynyń basshysy qatysyp, qarjy jumsaǵan barlyq ınvestorlardyń tizimin usynýy kerek.
VAK «Baı-Taý» TK qurylysy máselesi boıynsha salýshy «Black Gold Development» JShS E. Ahmedın VAK otyrysyna nysan qurylysyn aıaqtaý boıynsha quryltaıshy men áleýetti ınvestordyń bolýyn qamtamasyz etý boıynsha VAK usynysyn oryndamaǵanyn atap ótti.
«Nomad stroı EK» JShS dırektory Logvınov A.S. komıssııa otyrysyna kelgen joq. «Fıýchı Hom» turǵyn úı kesheniniń TQK tóraǵasynyń 18 myń sharshy metrdiń 13 myń sharshy m satý týraly ótinishi nazarǵa alyndy. «Esil-1» TK ınvestorlarynyń ókilderi káriz júıesi men jylý torabyn tartý jumystarynyń júrgizilmeı jatqandyǵyn málim etti. Osyǵan baılanysty komıssııa músheleri «Esil» aýdanynyń ákimdigine «Esil-1» turǵyn úı kesheniniń turǵyndaryna-ınvestorlarǵa turǵyn úı jylytý maýsymyna daıyndaýǵa kómek kórsetý usynyldy. Qala ákimdigi káriz júıesi boıynsha «Astana Sý Arnasy» AQ eskertýlerin joıý úshin kómek kórsetiletinin jetkizdi.
«Tólendi» TQK nysandary boıynsha Astana úleskerleriniń qoǵamdyq birlestiginiń tóraǵasynyń Astana qalasynyń prokýratýrasynda «Tólendi» TQK nysany ınvestorlarynyń bastamashylar tobymen kezdesý ótetini týraly ótinishi nazarǵa alyndy. «Tólendi» TQK kassalyq apparattyń joqtyǵy men Baıtursynov k-si, 2 mekenjaıy boıynsha ornalasqan turǵyn úı keshenindegi páterlerdi satý týraly ótinish qabyldandy. «Tólendi» TQK tóraǵasy A.S. Baıjumanov «Stolıchnyı 2» TK boıynsha páterlerdi eki ret satý máseleleri sheshildi. Baıtursynov k-si, 2 meken jaıy boıynsha ornalasqan turǵyn úıdiń ınvestorlaryna aqshalaı qarjy qaıtarylady, «Anısa 2» jáne «Anısa 3» turǵyn úı keshenderi boıynsha TQK uıymdastyrylady. Komıssııa músheleri Jer qatynastary basqarmasyna jer komıssııasynyń qaraýyna «Anısa 1» TK boıynsha jobalaýǵa qaýly usyný jónindegi máseleni engizý usynyldy. «Anısa 1» TK paıshylaryna S. Baıjumanovtan páterlerdi bosatý týraly habarlama alý úshin Astana qalasynyń ishki ister departamentine júginý usynyldy.
