Astana ákimdigi jylytý maýsymyna ázirlenýde
ASTANA. QazAqparat - Astana qalasynda aldaǵy maýsymda turǵyn úılerge, áleýmettik-mádenı nysandarǵa jylý berý, sondaı-aq sýmen qamtamasyz etý jáne sý aǵyzý kestege sáıkes júrgiziledi.
Bul týraly Astana qalasynyń ákimi Áset Isekeshevtiń tóraǵalyǵymen ótken jınalysta úsh aýdan ákimi men qalanyń energııa nysandarynyń jáne qalalyq vedomstvo basshylary baıandady.
Aýdan ákimderi aǵymdaǵy jaǵdaı men 2017-2018 jyldarǵy jylytý maýsymyna daıyndyq jaıynda aıtyp berdi.
Energııa kózderiniń, jylý jáne elektrmen qamtý jelileriniń jylytý maýsymyna daıyndyǵy jóninde «Astana-Energııa» AQ, «Astana-Teplotranzıt» AQ, «Astana-REK» AQ,
«Astana qalalyq jaryq» JShS, Astana sý arnasy» MKM, Atomdyq jáne energetıkalyq qadaǵalaý jáne baqylaý komıtetiniń Astana qalasy boıynsha departamentiniń jetekshileri esep berdi.
«Astana Teplotranzıt» málimetinshe, búgingi tańda 52 jylý magıstraliniń 48-ine synaq júrgizildi, bul barlyq kólemniń 92% quraıdy. Qalǵan 4 jylý magıstralin 29 qyrkúıekke deıin synaý josparlanýda. Energııa kóderiniń jalpy daıyndyǵy 67% quraıdy, onyń ishinde JES-1 - 66%, JES-2 - 62%, aýdandyq qazandyqtar - 73%.
JES-1-de kómir qory 36 766 tonnany quraıdy (101% nemese 20 táýliktik qordan 20,3 kún 36 140 tonna), mazýt - 4122 tonna (5819 - qor); JES-2-de - kómir qory 313 263 tonna (162% nemese 20 táýliktik qordan 33 kún 185 420 tonna), mazýt - 1513 tonna.
Elektr jelileriniń daıyndyǵy -37,1%, jylý júıeleri - 72,5%, sýmen qamtamasyz etý júıeleri - 63,5%, sý aǵyzý jelileri 45% ázir.
Búgingi tańda Astananyń ortalyqtandyrylǵan jylý júıesine qosylǵan 2567 áleýmettik nysanynyń 2334 nysany jylytý maýsymyna daıyn, bul 91% quraıdy. Onyń ishinde:
2360 turǵyn úı qorynyń 2132-i nemese 90% daıyn;
35 densaýlyq saqtaý nysanynyń barlyǵy 100% daıyn;
159 bilim nysanynyń 155-i daıyn nemese 97% daıyn;
13 mádenıet nysanynyń 12-si nemese 92% daıyn.
