Astana ákimdigi jyldyń sońyna deıin memlekettik baǵdarlama boıynsha 5690 páter berýdi josparlap otyr
ASTANA. Qyrkúıektiń 15-i. QazAqparat /Janna Qorqytova/ - Astana ákimdigi jyldyń sońyna deıin 2008-2010 jyldarǵa arnalǵan memlekettik baǵdarlama boıynsha 5690 páter berýdi josparlap otyr.
Elorda ákimi Imanǵalı Tasmaǵambetov ákimdik saıtyndaǵy «Suraq-jaýap» aıdarynda qoıylǵan saýalǵa bergen jaýabynda osylaı dedi.
«2008-2010 jyldarǵa arnalǵan Memlekettik turǵyn úı qurylysy baǵdarlamasy boıynsha salynyp jatqan barlyq 5690 páterdi aǵymdaǵy jyldyń sońyna deıin paıdalanýǵa berýdi josparlap otyrmyz. Daıyn turǵyn úı keshenderi paıdalanýǵa berile salysymen, baspanalardy bóletin turǵyn úı komıssııasynyń májilisteri shaqyrylýda. Qazirgi tańda turǵyn úı qorynda 900 páter tirkelip jatyr, ol páterlerdiń kiltteri qyrkúıek-qazan aıdarynda beriledi», delingen ákimniń jaýabynda.
Esterińizge sala keteıik, aǵymdaǵy jyly shildeniń 23-i men tamyzdyń 5-inde turǵyn úı komıssııasynyń eki otyrysy ótip, 1372 qonys ıesi bekitilgen bolatyn. Taǵy 4240 adam kezekte tur.
