Astana ákimdigi josyqsyz qurylys salýshylardyń tizimin jańartty

ASTANA. QazAqparat - Jyl basyndaǵy málimetter boıynsha qala aýmaǵynda ruqsat qujattary joq 90 nysannyń qurylysy júrgizilgen. Onyń ishinde 44 kompanııa qurylysqa qajetti barlyq ruqsat qujattaryn aldy, dep habarlaıdy Astana ákimdiginiń resmı saıty.

Búgingi tańda 90 nysannyń 44-i qurylys salýǵa qajetti barlyq ruqsat qujattaryn aldy. Olardyń qatarynda Nagoya JShS, Tuman Group kompanııalar toby, GALAMAT kompanııalar toby, G-Park qurylys kompanııasy, Granite JShS bar.

Qalǵan 46 qurylys nysany boıynsha eskertýler joıylyp, barlyq ruqsat qujattaryn alý rásimi júzege asyrylady.

Aıta ketý kerek, 2023 jyly Astana qalasynyń Qalalyq orta sapasy jáne baqylaý basqarmasy qalanyń Mamandandyrylǵan aýdanaralyq ekonomıkalyq sotyna qurylys-montaj jumystaryn toqtata turýǵa jáne buzýǵa 63 talap aryz joldaǵan, onyń ishinde:

- 13 talap aryz sotta qaralýda;

- 50 talap qoıý talaptaryn qanaǵattandyrý týraly sheshim shyǵaryldy;

- sottardyń 8 sheshimi zańdy kúshine engen joq;

- 42 sot sheshimi Astana qalasynyń Ádilet departamentinde oryndaýda.

Sondaı-aq, qalada «Turǵyn úı qurylysyna úlestik qatysý týraly» QR Zańynyń talaptaryn saqtaý boıynsha birqatar problemalyq máseleler bar.

Sonymen qatar, qala turǵyndaryn aqparattandyrý jáne Zańnyń buzylýyna jol bermeý úshin ákimdiktiń resmı resýrstarynda jáne BAQ-ta úleskerlerdiń qarajatyn qabyldaýǵa quqyǵy joq qurylys salýshylardyń «qara tizimi» júıeli túrde jarııalanady.

Qurylys kompanııalary úleskerlerdiń aqshalaı qarajatyn kelesi jaǵdaılarda ǵana tarta alady:

1) turǵyn úı qurylysynyń Biryńǵaı operatorynyń kepildigin alý;

2) Ekinshi deńgeıdegi banktiń jobasyna qatysý;

3) turǵyn úıdiń (turǵyn ǵımarattyń) qańqasyn turǵyzǵannan keıin úleskerlerdiń aqshasyn tartý.