Astana ákimdigi jol qurylysymen aınalysatyn jeti uıymǵa istelgen jumystardyń sapasyna qatysty narazylyǵyn bildirdi

Bul týraly búgin jol ınfraqurylymy men jol qurylysynyń sapasyna qatysty Astana ákimdiginde ótken keńeste málim boldy.

«Barlyq joldarǵa kepilhattar bola tura, olar qystyń klımattyq jaǵdaıyna nelikten shydamaǵanyn túsiný úshin, men qystan keıin qaladaǵy barlyq jol-kólik tósemderiniń aqaýlaryn anyqtaýdy tapsyrdym», - dedi qala ákimi.

«Tekseris nátıjesinde joldardyń 55 aqaýy men buzýshylyqtary anyqtaldy, onyń 38-i eski ınjenerlik júıelerdiń jarylýynan bolǵan», - dep baıandady ákim orynbasary Qanat Sultanbekov.

Onyń sózine qaraǵanda, jol tósemderi aqaýlarynyń basty sebebi, jumystardyń jaýapsyz oryndalýy jáne asfalt- betonnyń sapasynyń tómendigi bolyp otyr. Osyǵan baılanysty, ónimderi jol qurylystaryna jiberilgen zaýyttardyń sany ústimizdegi jyly 18-den 5-ke qysqartyldy.

Keńes sońynda I.Tasmaǵambetov Jolaýshylar kóligi jáne avtomobıl jolary basqarmasyna merdiger kompanııalarmen birlesip aldaǵy mamyr aıynyń 20-syna deıin merdigerdiń qarajaty esebinen anyqtalǵan aqaýlardy joıýdy tapsyrdy.

«Bizge berilgen kepilhatqa sáıkes barlyq ýchaskeler kompanııalardyń ózderiniń esebinen jóndelýin qadaǵalaımyn. Al jańa jumystarǵa qatysty eshqandaı aǵattyq bolmaý qajet», - dedi qala basshysy.

Ákimdiktiń málimetterine sáıkes, 2009 jyly Astanada 34 ortalyq kóshede, qala mańyndaǵy 76 turǵyn alqabynda, 75 oramishilik joldarda barlyǵy 150 shaqyrym jol jáne 34 shaqyrym jaıaýlar joldary jóndelip, salyndy.