Astana ákimdigi jer telimderi berilip jatqany týraly aqparatty joqqa shyǵardy
ASTANA. QazAqparat - Astana qalasynyń ákimdigi azamattarǵa búgingi kúni qalada jeke turǵyn úı qurylysyna jer telimderin bólý júzege asyrylyp jatpaǵanyn jáne ol bıylǵy jylǵa josparlanbaǵanyn habarlady.
Qazirgi ýaqytta áleýmettik jelilerde (WatsApp, Facebook, Instagram jáne t.b.) Astanada jeke turǵyn úı qurylysyna jer telimderin bólý bastalǵany týraly vırýstyq aqparat taratylýda, bul shyndyqqa sáıkes kelmeıdi.
Alaıaqtyq faktilerine jáne aqparatty qate túsinýge jol bermeý maqsatynda Astana qalasynyń ákimdigi halyqty ortalyq memlekettik organdardyń resmı aqparattarynyń habarlamalaryna ǵana senýge shaqyrady.
2006 jyldyń tamyzynan búgingi kúnge deıin jeke turǵyn úı qurylysyna jer telimderin alýǵa kezekke 117 myń azamat tirkelgen. Tıisinshe, buǵan deıin jer telimin alýǵa ótinish bergen jáne arnaıy esepte (kezekte) turǵandardan qaıtadan kezekke turý qajet etilmeıdi, óıtkeni olardyń kezektiligi saqtalady.
Kezektilik týraly málimetterdi elektrondy ákimdiktiń e.astana.kz jáne www.uzo.astana.kz saıtynan «Jerge kezek nomerin izdeý» taraýynan bilýge bolady.
Qala bıligi azamattardy áleýmettik jelilerdegi osyndaı taratylymdarǵa saqtyqpen qarap, «feık» aqparat týraly qala ákimdigine nemese quqyq qorǵaý organdaryna habarlaýǵa shaqyrady.
