Astana ákimdigi jelide tarap jatqan feık-aqparattardan saq bolýǵa shaqyrdy
ASTANA. QazAqparat - Astana qalasy ákidiginiń baspasóz qyzmetiniń jetekshisi - baspasóz hatshysy Elvıra Júrgenbaeva Feısbýktegi óziniń paraqshasynda áleýmettik jelide Jol erejesin buzǵany úshin aıyppul taǵaıyndalǵandyǵy týraly jalǵan habarlamalar taratyla bastaǵandyǵyn málim etti, dep habarlaıdy QazAqparat.
«Qoǵamdyq kólik máselelerine halyq nazary artyp otyrǵan sońǵy ýaqytta, áleýmettik jelilerde jáne WhatsApp toptarynda Jol júrý erejesin buzǵany úshin aıyppuldyń salynýyna qatysty habarlamaldardyń ártúrli feık-skrınshottary paıda bola bastady. Barlyq elorda turǵyndary men qonaqtarynan saq bolýdy, mundaı aqparattardyń ras-ótirigin tekserýdi jáne jalǵan málimet taratpaýdy suraımyz. Jol júrý erejesin saqtańyzdar! Sizderge jolda sáttilik tileımiz!, - dep jazdy Elvıra Júrgenbaeva.
Fotoda - halyq arasynda tarap jatqan feık-skrınshottardyń biri.
