Astana ákimdigi janynda Jastar saıasatyn qoldaý memlekettik qory quryldy

Búgin ákimdikte Qordy qalanyń belsendi jastaryna tanystyrýǵa arnalǵan dóńgelek ústel otyrysy ótti.

«Qor «Memlekettik jastar saıasaty týraly» QR Zańyn basshylyqqa ala otyryp, Astana qalasy aýmaǵyndaǵy 14-29 jas aralyǵyndaǵy jastardyń qoǵamdyq belsendiligin arttyryp, jastardyń bastamashyl oılaryn qoldaýǵa baǵyttalǵan. Onyń maqsaty - jastarǵa, ásirese múmkindikteri shekteýli, áleýmettik az qamtylǵan jastar men jasóspirimderdi, sondaı-aq jas otbasylardyń túıitkilderin sheshýge quqyqtyq turǵyda qolǵabys etý. Sonymen birge, qala men onyń aýmaǵynda turatyn jas órenderdiń bos ýaqyttaryn tıimdi uıymdastyrýǵa baǵyttalǵan júıelerdiń jumysyn qadaǵalaý bolyp tabylady», - dep atap ótti Qor dırektory Maqsat Batyrbekov.

Óz kezeginde Astana qalasy Іshki isaıasat basqarmasynyń bastyǵy Bolat Tlepov, Astana qalasynyń Jastar saıasatyn qoldaý memlekettik qory ákimdik janynda qurylǵandyqtan, onyń jumysyn tıimdi júrgizýge ákimshilik, qarjylyq jáne adamı resýrstar jetkilikti ekendigin aıtyp, onyń jumysy jemisti bolatyndyǵyna senimin bildirdi.