Astana ákimdigi úı satatyn alaıaqtardan saq bolýǵa shaqyrdy
ASTANA. QazAqparat - Alaıaqtyq jaǵdaılardyń jıilep ketkendigine baılanysty «Elorda damý» JShS jalǵa beriletin turǵyn úıdi salý jónindegi memlekettik baǵdarlamaǵa qatyspaıtyndyǵyn jáne Astana qalasyndaǵy apatty turǵyn úılerdi buzý jónindegi pılottyq jobany iske asyratyndyǵyn habarlaıdy.
«Elorda damý» JShS salynǵan obektilerdegi turǵyn úı «Astana qalasynyń turǵyn úı basqarmasy» MM jasalynǵan sharttyń negizinde buzylýy tıis apatty úılerdiń menshik ıelerine ǵana beriledi, sonymen qatar Astana qalasy, Qorǵaljyn tas joly, 25/3 úı mekenjaıy boıynsha ornalasqan kásiporynnyń satý bóliminde tikeleı alyna alady.
«Kommýnaldyq turǵyn úı qorynan turǵyn úı alý úshin Astana qalasynyń ákimdiginde kezekte turǵan azamattarǵa «Elorda damý» JShS obektilerinen páterler berilmeıdi. Abaı bolyńyzdar, alaıaqtarǵa senbeńizder!», - delingen ákimdik taratqan habarlamada.
